Uncategories HATIMAYE : Rais Mwai Kibaki atia Saini Mswada wa Malipo na Marupurupu

HATIMAYE : Rais Mwai Kibaki atia Saini Mswada wa Malipo na Marupurupu

Rais Wa Kenya , Mwai Kibaki. (Picha na Maktaba)

RAIS Mwai Kibaki ametia saini mswada unaompa malipo ya kima cha shilingi milioni 25 na marupurupu ya shilingi milioni moja kila mwezi baada ya kustaafu.
Mswada huo ni miongoni mwa miswada 30 iliyotiwa sahini na kiongozi huyo wa taifa, kuwa sheria, saa chache baada ya kufanyika maandamano ya kumtaka kutotia saini mswada unaowapa wabunge mlipo ya kiinua mgongo cha mabilioni ya pesa.

Hata hivyo, rais Kibaki HAKUTIA saini miswaada inayowapa waziri mkuu, makamu wa rais, jaji mkuu na maafisa wengine wa serikali malipo ya pindi wanapostaafu.

Mapema jumatatu, mashirika ya kijamii yaliandaa maandamano katikati ya jiji la Nairobi wakimtaka rais kutotia saini mswaada ambao ungewapa wabunge kiinua mgongo cha shilingi milioni 9.3 kila mmoja pamoja na marupurupu mengine.