NYUMBA YA MWANARIADHA PISTORIOUS, AMBAYO MAUAJI YA MPENZI WAKE YALIFANYIKA, SASA IKO SOKONI

MWANARIADHA Mlemavu, Oscar Pistorious ambaye anakabiliwa na mashitaka ya Kumuua Mpenzi wake, mwanamitindo REEVA STEENKAMP, ameamua kuiuza nyumba yake kubwa ya kifahari iliyoko katika mji wa Pretoria, nchini Afrika ya Kusini.

Kwa mujibu wa taarifa kutoka kwa Mwanasheria wa familia ya Pistorious, BRIAN WEBBER, amesema kuwa, awali Oscar Pistorious alikuwa amepanga Kufunga nyumba hiyo na Kuiacha mpaka pale Maamui dhidi ya kesi yake yatakapotolewa, lakini kulingana na kuongezeka kwa Gharama za uendeshaji wa kesi yake,, imemlazimu kuipiga bei.

Pia Webber ameongeza kuwa, Pistorious hajawahi kurudi tena katika Himaya yake hiyo tangia siku aliyompiga Risasi Mpenzi wake huyo, na hana mpango wa Kurudi tena katika nyumba hiyo Mpaka hivi sasa..

Mjengo huo unauzwa kwa Kiasi Cha Dolari za kimarekani 456,000, sawa na Shilingi za kitanzania 7,29,600,000.

Aidha baadhi ya wataalamu wa masuala mbali mbali hasa ya kibiashara, wamedai kuwa kuna uwezekano nyumba hiyo ikachukua muda mrefu kununuliwa, kutokana na tukio lilitokea ndani yake

Kesi ya Oscar Pistorious, itaendelea kusikilizwa tena Kuanzia mwezi wa Nne, na huenda ikachukua muda zaidi, kutokana na ushahidi kuzidi kutafutwa