Baada ya kufunika vilivyo kwa kutoa burudani ya nguvu katika
tamasha kubwa ambalo limefika huko nchini Uganda hivi karibuni msanii Jose
Chameleone amesema kuwa amewaomba mashabiki na wadau kuwapa sapoti wasanii wa
Goodlyfe, Moses Radio na Weasel TV.
Chameleone ambaye ni ndugu na Weasel TV alitumia nafasi hiyo
ya kuwaomba mashabiki katika tamasha hilo kutokana na kwamba wasanii hao
wamekuwa ni wenye mafanikio makubwa na kwamba katika wiki mbili zijazo
wanatarajia kufanya uzinduzi wa albamu yao waliyoibatiza jina ‘Obudde’.
Aidha Jose Chameleone alionyesha kuwa yeye ni gwiji na
mwenye kipaji katika tamasha lake la ‘Badilisha’ haswa alipoweza kuimba zaidi
ya nyimbo 40 ambapo pia aliziimba nyimbo za wasanii mbalimbali Afrika Mashariki
kama wimbo wa Kigeugeu wa Jaguar, Mukama wa Judith Babirye, Bread and Butter
kutoka kwao Moses Radio na Weasel TV, Kasepiki wa Bebe Cool na Wendi wa Bobi
Wine.
Share this
EmoticonEmoticon