SABABU ZA DULLY SYKES KUAHIRISHA KUACHIA TRACK ALIYOMSHIRIKISHA DIAMOND PLATNUMZ, HII HAPA..

TTM tulisikia Juu kwa juu kuwa DULLY SYKES ameahirisha Kuachia Track ya CHIPOLOPOLO ambayo amemshirikisha rafiki yake Diamond Platnum, badala yake ataachia Ngoma nyingine inayofahamika kwa jina la TOGOLA Mwezi huu.

Sababu ya Msingi ambayo Prince Dully Sykes ameitaja, ni kubadilika Kwa soko la Muziki hapa nchini Tanzania. Hapa Tunamnukuu

“Kutokana na muziki kubadilika, unajua mimi nafanya muziki kutokana na jinsi unavyobadilika. Jinsi muziki unavyobadilika imebidi nifanye hivyo. Ni uchaguzi tu wa nyimbo kwa sababu nina nyimbo nyingi kwa hiyo sioni sababu za kung’ang’ania wimbo mmoja wakati nina nyimbo nyingi.”

Hata hivyo, mkali huyo amesema Chipolopolo ipo na anaeitaka atampatia na kwamba tayari wimbo huo upo kwenye miito ya simu. Ameongeza kuwa wataufanyia video baadae lakini sio kwamba utakuwa umetoka officially.

Akiongelea kuhusu maana ya Togola, Dully amesema hata yeye hafahamu maana yake na ni neno limekuja tu kama ilivyokuwa ‘Shikide’ lakini ameambiwa kuwa Tanga neno Togola ni salamu.