REPORT: KUHUSU TUHUMA ZINAZOMKABILI AKON, KUKWEPA EBOLA..

WEEKEND HII,MKALI wa R&B ulimwenguni, AKON , ametuhumiwa kuperform akiwa ndani ya Puto kubwa, kukwepa Ugonjwa wa Ebola, TTM tuna Mtonyo kamili kama Ifuatavyo.

· Ilivyokuwa:

Siku kadhaa zilizopita, Akon alikuwa Nchini Kongo kwa ajili ya tamasha maalum la wazi, lililofanyika katika Mji wa GOMA, ambapo aliingia ndani ya Puto hilo la Plastic ikisadikika kuwa alikuwa akijikinga na Ugonjwa wa Ebola, ambao umeshaua watu 32 katika Nchi hiyo.

Dhumuni kubwa la tamasha hilo la wazi, ilikuwa ni kutangaza Kampeni ya Umoja wa Mataifa (UN) hasa katika Siku ya Amani inayosherekewa Kimataifa (INTERNATIONAL PEACE DAY).

Tamasha hilo liliweza kuhudhuriwa na watu zaidi ya 60,000 katika Mji huo, na AKON aliamua kujitosa katika Puto hilo, ambalo inasemekana kuwa lilikuwa halipitishi hewa.

Baada ya kuingia kunako Puto hilo, Akon alijirusha kwa mashabiki ambao walikuwa wakimbeba juu juu lakini akiwa ndani ya Puto hilo.

· Akon Alichokisema:

Kwa upande wake Akon ambaye amekumbana na Tuhuma hizo, amedai kuwa, sio kweli kwamba aliingia ndani ya Puto hilo ili kujikinga Na Ugonjwa huo unaozidi kutafuna maisha ya Waafrika, bali huwa ni namna ambavyo anaperform katika Show zake, tangia hata Story za Ebola hazijaanza kushika kasi.

Aidha Akon amevilalamikia vyombo vya habari hasa kwa kulikuza suala hilo na kuonekana kuwa alikuwa anajaribu kukwepa Gonjwa hilo hatari

· Kihistoria Katika Hili

Aidha inasemekana kuwa Akon ameshafanya Tukio kama hilo hilo, huko DUBAI na AUSTRALIA