#BRING BACK OUR GIRLS..BOKO HARAMU BADO WANAZIDI KUTEKA WANAFUNZI

Habari kutoka Nigeria zinasema kuwa, watu wanaoaminika kuwa wanamgambo wa Boko Haram wamewateka nyara wasichana 8 katika kijiji cha Warabe kilichoko kaskazini mashariki mwa nchi hiyo. 

Habari zaidi zinasema kuwa, wasichana hao wenye umri wa kati ya miaka 12 na 15 walitekwa nyara wakati watu hao wenye silaha walipovamia kijiji hicho na kupora mifugo pamoja na vyakula. Tukio hilo limejiri siku moja baada ya Boko Haram kutangaza kwamba linawashikilia zaidi ya yanafunzi wa kike 200 waliotekwa nyara katika shule moja mjini Chibok mwezi uliopita. Kiongozi wa Boko Haram, 

Abubakar Shekau ametishia kuwauza wasichana hao ndani na nje ya Nigeria.

Umoja wa Mataifa umeonya kundi la Boko Haram ukisema kuwauza wanafunzi hao wa kike ni kinyume cha sheria za kimataifa zinazopinga biashara ya utumwa na hatua hiyo itapelekea wanachama wa kundi hilo kutafutwa kwa kosa la kutenda jinai dhidi ya binadamu.

Siku ya Jumapili Rais Goodluck Jonathan alisema serikali yake inafanya juhudi zote kuwatafuta na kuwaokoa wasichana hao na akaziomba baadhi ya nchi za Magharibi kuisaidia serikali yake katika suala hilo.

Share this

Author : BLACK TOUCHEZ

Related Posts