Ngara.
Mahakama ya Wilaya ya Ngara, mkoani
Kagera imemfutia mashitaka ya kuuza nyama ya binadamu, Pastori Nalingi Blanketi
(43) na kumhukumu mwaka mmoja jela kwa kosa la kuingia na kuishi nchini kinyume
na sheria.
Mwendesha Mashitaka wa Polisi wilayani Ngara, Tumaini
Membi aliiambia mahakama hiyo kuwa, mtuhumiwa huyo alikamatwa Februari 23 mwaka
huu katika Kijiji cha Kihinga saa tano
usiku baada ya kunusurika kuuawa na wananchi wa kijiji hicho.
Membi alisema wakati anakamatwa, mtuhumiwa
alikuwa akitangaza kuwa anauza nyama ya binadamu kwa Sh100,000 na baada ya
uchunguzi ilibainika kuwa alitoa kauli hiyo akiwa amelewa, hivyo havikupatikana
vielelezo vya kumtia hatiani kwa tuhuma hizo.
“Baada ya kuhojiwa kwa kina, ilibainika
mtuhumiwa alikuwa katika hali ya ulevi wakati akitangaza biashara hiyo na hata
hivyo, polisi lilimtia hatiani kwa kuingia na kuishi nchini kinyume cha
sheria,” alisema Membi.
Mtuhumiwa anadaiwa kuingia nchini akitoka
Burundi tangu mwaka 1981.
Share this
EmoticonEmoticon