Katibu Mkuu wa Umoja wa Mataifa ametaka zifanyike juhudi
zaidi kwa shabaha ya kupambana na magendo ya binadamu ulimwenguni.
Ban Ki moon amesema kuwa, kuna udharura wa kuwepo
ushirikiano kati ya nchi, asasi na taasisi zote ulimwenguni kwa shabaha ya
kukabiliana na vitendo hivyo hatari kwa amani na usalama wa dunia.
Amesema
kuwa, magendo ya binadamu huharibu uchumi wa mataifa, kwani mapato ya mabilioni
ya dola yanayotokana na biashara hiyo haramu, hutumiwa katika muamala wa
kununua na kuuza madawa ya kulevya na jinai nyingine.
Kwa mujibu wa ripoti ya Ofisi ya Kupambana na Jinai na
Mihadarati ya Umoja wa Mataifa iliyotolewa mwaka 2012, watoto wadogo
wanaunda moja ya tisa ya wahanga wa
magendo ya biashara ya binadamu ulimwenguni kote kati ya mwaka 2007 hadi 2010.
Share this
EmoticonEmoticon