Madaktari wanasema Rais wa zamani wa Afrika Kusini, Nelson
Mandela, anaendelea kupata matibabu baada ya kulazwa hospitalini kutokana na
maradhi ya mapafu.
Mshindi huyo wa zamani wa tuzo ya amani ya Nobel alipelekwa
hospitalini muda mfupi kabla saa sita usiku siku ya Jumatano. Ofisi ya Rais wa
sasa wa Afrika Kusini, Jacob Zuma, imetoa taarifa ikisema kiongozi huyo
aliyepinga utawala wa ubaguzi wa rangi, mwenye umri wa miaka 94, anapata
matibabu bora kabisa kadri inavyowezekana.
Rais Zuma amewataka Waafrika Kusini
wasiwe na wasiwasi na wamuombee Madiba. Serikali ya Afrika Kusini imelaumiwa
kwa kutotoa taarifa za kina kuhusu hali ya afya ya Mandela.
Share this
EmoticonEmoticon