Waislamu wasiopungua 20 wameuliwa na watu waliokuwa na
silaha baada ya watu hao kuushambulia msikiti katika kijiji kimoja cha
kaskazini mwa Nigeria.
Mauaji hayo yametokea leo katika kijiji cha Dogo Dawa
cha jimbo la Kaduna. Abdullahi Muhammad, afisa katika eneo hilo amesema kuwa
wanashuku kuwa mauaji hayo huwenda ni ya kulipiza kisasi na huenda yamefanywa
na magenge ya majambazi yenye silaha baada ya kuwapoteza baadhi ya wanachama
wake katika ufyatulianaji risasi uliojiri hivi karibuni kijijini hapo kati ya
majambazi hao na wanavijiji.
Amesema wakazi wa kijiji hicho wamekuwa
wakivamiwa mara kwa mara na watu wenye silaha wanaofanya mashambulizi kutokea
kwenye kambi zao zilizoko msituni.
Share this
EmoticonEmoticon