KENYA WAIPIGA AL-SHABAAB TENA

ASKARI WA JESHI LA KENYA AKIWA KAZINI

Kenya imesema kuwa jeshi lake la majini limeshambulia vituo vya waasi wa kundi la as Shabab katika bandari ya Kismayu huko kusini mwa Somalia, kabla ya kufanywa mashambulizi ya nchi kavu dhidi ya waasi hao.

Msemaji wa jeshi la Kenya Cyrus Oguna amesema, kikosi cha majini cha Kenya kimefanya mashambulizi hayo baada ya vikosi vya anga kulenga ghala la silaha karibu na uwanja wa ndege wa Kismayu.

NEMBO YA KUNDI LA AL- SHABAAB

Oguna ameongeza kwamba, shambulizi hizo linaonyesha jinsi jeshi la Kenya lilivyoshadidisha operesheni zake huko Kismayu na kwamba mashambulizi ya nchi kavu bado hayajaanza.

Msemaji huo wa jeshi la Kenya amesema, askari wa nchi hiyo wanatarajiwa kuanza kuingia Kismayo wakati wowote mwafaka kuanzia sasa.

KUNDI LA AL- SHABAAB

Vikosi vya jeshi la Kenya vikishirikiana na askari wa Burundi, Uganda na Djibouti kwa wiki kadhaa vimekuwa vikipambana na waasi wa as Shabab katika operesheni inayofanyika chini ya mwamvuli wa kikosi cha kulinda amani cha Umoja wa Afrika nchini Somalia AMISOM.

Askari hao wamefanikiwa kuwafurusha waasi hao kutoka katika ngome zao.