HANGOVER MONDAY: HAIKUWA WEEKEND NZURI KWA MTOTO WA LIL WAYNE , REGINAE CARTER NA BOYFRIEND WAKE BAADA YA KUKAMATWA NA POLISI

Na Baba Juti
IKIWA leo ni Jumatatu, Kupitia Weekend kuna matukio mazuri na mabaya ambayo yalitokea, ila kubwa zaidi, ilikuwa ni hili la Mtoto wa Rapper Lil Wayne na Boyfriend wake kulambwa na Pingu walipokuwa katika moja ya kiwanja cha Bata huko Nchini Marekani.

Reginae Carter (Binti wa Lil Wayne na Toya Wright) mwenye miaka 19 akiwa na Boyfriend wake YFN Lucci mwenye miaka 27 ambaye pia ni Rapper, walikutana na noma hilo Usiku wa kuamkia Jumamosi walipokuwa maeneo ya KNOXVILLE, TENNESSE, Marekani ambako YFN alikuwa meenda kwa ajili ya shughuli ya Special Appearance

Ingawa haijawekwa wazi chanzo cha tukio hilo ni nini, lakini Camera ziliwansa wawili hao wakibishana na Polisi waliokuwa katika eneo la tukio, hali iliyosababisha kutiwa pingu na kupelekwa kituo cha Polisi cha Knoxville na kuwekwa ndani kwa masaa kadhaa

Pia baada ya muda kidogo, Binti huyo wa Lil Wayne alipost kupitia instagram account yake akidai kuwa yuko sawa na hayupo jela.

Mpaka hivi sasa taarifa rasmi kuhusu kukamatwa kwao hazijawekwa bayana ingawa wengi wanaamini inawezekana kabisa kulikuwa na kutokuelewana baina ya YFN Lucci na waandaaji wa Show hiyo.

Wawili hao walianza kutajwa kuwa na mahusiano mapema mwaka huu ingawa Reginae Carter alikuwa akikanusha uwepo wa mahusiano yao, lakini hivi sasa mambo yako hadharani