INAWEZEKANA??? : MAMA HUYU ATASHTAKIWA KWA KUMFANYA MWANAE WA MWAKA MMOJA AGONGWE NA NYOKA MAKSUDI?

Na Baba Juti
SOURCE : ABC NEWS

#WatuWaMungu kuna hili jambo ambalo natamani tulitafakari na kulizungumzia vizuri sote kwa pamoja ili tujue kama inawezekana au lah

Mwanamke mmoja Nchini Marekani katika Jimbo la Florida, huenda akafunguliwa Mashtaka ya kujeruhi na kutaka kuua, baada ya kuruhusu Nyoka amgonge Mtoto wake wa Kike mwenye Umri wa Mwwaka mmoja, kwa Makusudi kabisa

Tukio hilo limetokea Hivi karibuni ambapo mwanamke huyo anayetambulika kwa jina la Chartelle St. Laurent aliruhusu tukio hilo kufanyika huku akirekodi kwa Njia ya Simu na kisha kupost katika Mitandao ya Kijamii

Hata Hivyo, Polisi kutoka Florida, inadai kuwa Kitendo hicho ni Kinyume cha Sheria na Kanuni ambazo zinalinda Haki za Mtoto mdogo hasa ambaye ana mwaka mmoja, maana huwezi jua madhara ambayo anaweza kuyapata na hata kupoteza Maisha

Akijitetea kwa ujasiri Mkubwa Mama huyo anadai kuwa alifanya hivyo kwa ajili ya kumfundisha Ujasiri Mtoto wake huyo na hata kuwa makini na vtu ambavyo ni hatari, yaani asizoeane na vitu ambavyo vinaathari….

“Mwanangu wa Kiume pia alishawahi kungatwa na wala haikumdhuru chochote hata kumuachia alama. Hata kwangu pia. Hivyo nilidhani ilikuwa ni nafasi nzuri kutambulisha tukio hilo kwa motto wangu wa kike pasipo yeye kudhurika. Tatizo ni kwamba, watu wana hisia sana. Wanadhani nimemdhuru mwanangu kwa makusudi. Watu wanaonifahamu, wanajua kabisa siwezi kumdhuru mwanangu. Meno ya Nyoka huyo ni madogo sana kuidhuru Ngozi ya mtu yeyote. Hivyo hajajeruhiwa hata Kidogo”