Assad Achi Madaraka- JUMUIYA YA CHI ZA KIARABU.

Nchi za kiarabu zimemtolea wito rais wa Syria Bashar al-Assad kuachia madaraka mara moja ili kumaliza mgogoro wenye umwagaji damu ambao unaendelea nchini mwake.

Akizungumza muda mchache uliopita baada ya mkutano wa mawaziri wa Jumuiya ya Nchi za Kiarabu mjini Doha, Qatar, waziri mkuu wa nchi hiyo Sheikh Hamad bin Khalifa al-Thani, amesema mkutano huo unamtaka Assad kuchukua kile alichokiita uamuzi wa kishujaa ili kuinusuru Syria na umwagaji damu zaidi. Sheikh Hamad amesema kwamba Jumuiya ya Nchi za Kiarabu imewataka waasi wanaojulikana kama jeshi huru la Syria kuunda serikali ya Umoja wa kitaifa, na kupendekeza kumpa mpatanishi wa kimataifa katika mgogoro wa Syria Kofi Annan, jukumu la kutunga sera ya serikali hiyo.

Rais Wa Syiria Bashar Al Asad

Hayo yanaarifiwa wakati nchini Syria kwenyewe mapigano makali yakiendelea kati ya jeshi la serikali na waasi, ambapo watu zaidi ya 120 waliripotiwa kuuawa jana Jumapili. Mkutano wa Doha pia umeahidi msaada wa nchi za kiarabu wa dola milioni 100 kusaidia wakimbizi wa Syria.